Sawadee Krap

hallo zämä. aus erschts möcht i no aunä ganz ganz härzlech dankä wo mir am abschiedsfeschtli u schüsch oh no si cho ade sägä. het mi sehr gfröit ... i bi ganz düränang gsi, so viu si cho. merci für diä tollä gschänk u diä vilä wünsch... dir sit dr hammer. merci tuuuset =)

nach erä doch nid so eifachä reis u em nä no viu weniger eifachä abschied, bini jtz auso da, thailand, bangkok, khaosan road, VS Guesthouse.

dr flug isch bis kuwait rächt easy gsi, denn aber äs riisä gstürm wüu ds flugi us irgend em nä grund nid het dörfä (villich oh nid wöuä =)) abflügä. denn isches losgangä, nach vierehaub stung d'zyt ds tot schla, si plötzlech aui touris wo uf das flugi hei wöuä am umä hyperä gsi. vo überau si nachrichtä cho wo zwüschä praktischä infos bis panik-macherei aues hei beinhautet. derzuä het sich ds ungwüssä gfüeu nid grad verbesseret wo mir hei afa tickets vergliichä u gmerkt hei, dass nid mau d'flugnummerä bi aunä gliich isch gsi! schlüssändlech hei aui (gfüeuti tuusig lüt) innerhaub 10 min vom gate 25 is gate 22 müessä, dert aber wider 3/4 stung wartä...chöit nech mau diä ufregig vorsteuä =). mit 50min verspätig isch aber de das flugi tätsch vou mit lüt ab richtig bangkok gstartet...huch

jtz bini da nach denä strapazä im nä winzigä guesthouse wo ni es no winzigers zimmer (ca 2,5 x 2 meter) für aber günschtegi 200 baht (ca 6.-sfr) ha becho. vou easy!
gschnäu unger d'duschi u mau go nä rundi pfuusä...mir gheiä bim schribä fasch dougä zuä =) ...zu däm isches jtz (23:05 uhr, bi öich gloub 17:05 uhr) chüeli 27°C warm =))) ...shibaaaaam!

häbet es schöns äbeli
...bis gli