bi diä erschtä 5 täg in bangkok gsi u ha zersch mau nid viu gmacht.=) erstens d zytumstellig isch eifach scho müehsam u zwöitens isches eifach numä heiss da!!... da hani mi zersch mau müessä dra gwanä =). denn bini mit em nä backpacker wo im gliichä guesthouse het gwont chli ga diä umligendä strassä u quartier go erforschä ir hoffnig i gsäch de mau per zuefäu es büssli. mir heis u luschtig gha u si am abä aubä i nä strassä bar wo "chipsy bar" heisst. das isch eigentlech numä äs outo am strassärand wo zurä bar umbouä isch u nes paar tischli u stüeu näbä dran uf dr gass het. es het aber nid so 0815 touris dert gha u dr sound isch ou vooou easy gsi... nid 10000 mau rhyana oder süsch tusig mau top then charts!
hei es paar angeri backpackers lehrä kennä vo newseeland und tasmaniä. isch u witzig gsi. si si scho u lang ungerwägs u hei scho viu gseh u erläbt...isch u spannend gsi zuä ds losä. si hei ou viu tips u tricks zum reisä gäh. ja u mis änglisch chunnt ou langsam wider i fahrt. isch erstundlech wiä schnäu me da wider dri chunnt.

am 5. novämber bini do am 9ni morgä us em guesthouse richtig pattaya ufbrochä. vierähaub stung mit em nä 8plätzer busli ir gröschtä hitz richtig meer!!! ha ds gfüeu gha mir louft jtz de aues dervo so heiss isches i däm charrä gsi! *schwitz*! ...si denn aber nach erä houprigä u idrücklechä fahrt änntlech in pattaya acho. ä liter chauts wasser abä gläärt u när mit minä zwe u-huerä schwärä ruckseck für nes hostel, hotäu oder guesthouse ga luegä. ha aber nid lang mögä umä tschaupä. ha do mau es chlises hotäu für 700bath (ca. 24.-) gfungä. isch zwar für mini verhäutnis tüür, ha aber nümm mögä suechä. lueä de am nächschtä tag für nes angers. zu däm het das hotäu nid mau wireless (soo pfiifenä)!!! ...das het de das guesthouse in bangkok für 200 bath/nacht (ca 6.-) inclusive gha!!! =)
pattaya isch aber für mi nüt empfählenswärts. isch eifach ä strand mit hundertä vo hotäu, bars u frässbudenä. strand isch nüt wäutbewegends u d'touris...naja! bierbuuch u wisses trägerhemmli...

hüt hani vor gha, äbä ä günschtigerä schlafplatz z suechä u ändlech diä VW bus garage ds fingä. bi geschter abä afä i d'richtig vw garage vier stung ga suechä. bi dervo ca. drü stung glüffä. denn isch aber es gwitter cho. isch krass wiä das gschnäu abä gla het. blitzt u tonneret vom strübschtä...aber wiä so oft in thailand, numä ca. e haub stung lang när isch dä spuck verbi gsi. i has aber u schön gfungä. bi unger nes chlises sunnäschirmli göcklet(i däm fau es rägäschirmli) u ha vor strassächuchi wo das tischli u sunnäschirmli ghört, es feins thai-omälettli la chöcherlä u derzuä es bierli gno. dr rägä ha ni u guet gfungä. het erschtens mau chli abküeut u zwöitens hets chli dr stoub ir luft abä gwäschä.
denn hani eigentli wider zrügg wöuä, da bini aber no am nä märit wo fasch numä thais si gsi verbi cho u ha natürli grad müessä ga luegä was es da so git... =)
das isch eifach viu kuuler aus diä tourimäritä wo'd numä das fingsch wo dr 0815 touri gärn het. hehe, dert gsesch sachä!!!...da hets zum bischpiu ä märitfrou gha wo occasion schuä für ei bis drü frankä umgrächnet verchouft het. aber de was fürtegi!!!...diä würdä mir ir schwiz nid mau me getrouä i d'schuäsammlig ds gäh! ;-)
oder ässwahrä wo so komisch usgseh hei,  dasi lieber ä fritiertä höigümper gässä hät aus das. 8-) ...i weiss no jtz nid was das gsi isch =) zrügg bini när mit em nä roller-taxi...ha nüm nomau so lang mögä zrüg laatschä =) u diä 60 bath (2.-) sis mir de locker dr wärt gsi =)

hüt bini nomau es rollertaxi go suechä u bi mit ihm uf vw bus jagt...aber wie's so geit bir jagt, ha das garageli nienä gfungä. si do wider chli endtüüscht zrügg zum guesthouse. da hani mau no chli a im internet afa nach adrässä suechä u schüsch no infos gsammlet. nach erä churzä duschi bini do uf em bett ipennet u es het scho afa idunklä woni ganz verduzt ufgwachet bi. ja diä inneri uhr isch no nid ganz uf thai-zyt um gsteut. =) eh nu so de, gani haut morn wider ga scoutä.

so, jz hani d'charte uf d'reis igsteut. ds GPS lani de aber ersch a wenni das sänderli im busli ha chönnä fix montierä.

ja das wär's öppä gsi vo denä paar täg. wünschet mir glück für morn u häbets guet...i ga jtz no nes feins süppli oder so ga schlemmen =)

...bis gli