... äs isch aber nid so eifach!
sodeli, da bini wider mau =)
ja mit däm büssli isch es nid grad eifach. vor vier jahr hani no es paar gseh umäfahrä u jtz hani no keh fahrtüchtigä gseh uf dr strass. aber so schnäu gäbä mir de nid uf =))
im letztschtä blog hani gschribä i göng de no go nes günschtigers guesthous ga suechä u das hani de ou gfungä... ha jtz eis für 400baht (ca 12.-) u es isch mir wou da. sid denn bini hiä ussert no dä churz trip nach kho samed...aber zu däm chumi no speter.
diä vw garage hani do nach lengerem suechä ou gfungä...isch wäutz fies gsi! d'garage het nämmli züglet u im internet natürli nienä d'adrässä aktualisiert =P so bini do meh dür zuäfau a diä nöi adrässä glangt. woni do ändlech dert mit em roller-taxi acho bi, isch natürlech keh T1 me dert gstangä. =(
aber easy, bi do mau ga fragä u är het gmeint, är säuber heig kenä meh. är wüss aber no adrässenä wo chönntä ha u nach chli diskutierä u für T1 schwärmä hei mir do d'tel nummero ustuschet u är het mir gseit är frag mau es paar a ob si no T1 am umästah hei.
es paar tag speter bini no mau zuä nim gfahrä u ha mau gfragt wiä dr stang isch. är het zwe gfungä...aber...dr eint isch es haubs wrack wo viu z'viu ztüä gäb zum zwäg machä. dr anger bus wär im nä guetä zuestang, aber viiiiiu ds tüür! ca 15'000.- SFr! ...da het är säuber gseit dass das überrissä isch.
är het aber no nid vo aunä bscheid becho u het gseit, är luegi ou no in bangkok, dert chönnts no am erschtä ha...
... u sithär warteni uf si bricht u luegä säuber ou no chli umä.
denn isch aber dr yves u dr brünu uf pattaya cho u mir si es paar mau go ässä u es paari ga kippä =)
het wäutz gfägt wider mau chli bärndütsch ds redä =) ja dr yves u i si do no für zwe täg uf koh samed. isch ä inslä ca 1,5 outo-stung südlecher vo pattaya. das isch grad ä chli ä angeri wäut u i hätt mi grad guet chönnä dra gwanä. =)
hiä dr link zu dä fötteli vo kho samed
äs isch suppi gsi u es het mir grad u guet ta mau chli feriä vo däm vilä "schaffä" z nä. =)))) (...sorry, het grad müessä si). nei mir hets u guet da mau chli usä us pattaya. isch nid so mi wäut u sicher nid e vorzeiä ort für thailand.
jtz warti no drei vier täg da u när wotti witers. ha ungerwägs nach kho samed no nä angeri vw garage gfungä u dä het ou no schöni chärri gah. leider aber ou kes T1, aber es wunderschöns T2 mit - has fasch nid gloubt - nachträglech ibouter klima-alag. isch dr hammer wiä är das gmacht het. woni do aber fürä priis gfragt ha hani do aber ou grad wider abkuelet. für nes T2 ca 10'000.- sfr isch ou rächt dri gschossä! das bechumi ir schwitz ou zum gliichä priis...si wüssäs hie ir gägend dass d'öiropäer scharf uf diä büssli si u machä ou d'priisä derna... i ha nim gseit das i das niä würd zahlä u ha no chli d' chäferli wo ou wäutz schön si agluegt. speter isch är de wider zu mir cho u het mir gseit dass i däm priis natürli no einiges meh drinn wär u besser repariert u so...duuret aber ei - zwe monet. i ha mir de druf uf dr chartä das garageli markiert u bi de mit em yves wider witer richtig pattaya ...faus de aui strickä riisä, chönnti de villich no uf in zrügg cho... =)
witer bini leider no nid... aber i streckä mini füehler überau us wo's numä geit u so wirdi sicher einisch fündig wärdä... macht aber gliich wäutz spass diä suechi! ha viu mit iheimischä ds tüä u lehrä langsam chli wenn dass si mir numä ds gäut wei zum sack us ziä u wenn's würkli guet gmeint isch... isch wäutz spannend.
ok, das wärs wider mau gsi. we ni meh weiss gits wider äs iträgli... gruess us dr wermi
PS:
hiä in pattaya hets ir letschti rächt viu gwitter gäh. diä si so heftig gsi, dass ds wasser gar nümm het mögä abloufä u da het es sich's haut uf dä strassä gstouet... das gseht de öppä so us...
...bis gli
we de würk aui stricke riise, chunnsch haut im ne chäfer hei! =) da schiints no äs paari ume z ha... häbs ou witerhin guet und bis gli!
sämi
ja chäfis hets u viu u zum teiu ober schöni exemplar!!! ja mit em nä chäfi wär ou no geil! ...aber dä mit em drin pfuusä wird chli müähsam...das bruchti de chli viu thaimassagenä =)
shiiiibyyyy, im nä guetä monet... fröi mi ou wäutz!!! ...so, muess mau ga witer "schaffä"... *kicher* =))))
... bis gli