"Die Reise" het es nöis zieu becho
sodeli, da bini wider mau.
ja diä bus suechi isch viu schwiriger wordä aus i mir das vorgsteut ha. bi jtz sit vier mönet in thailand u ha mis büssli immer no nid. was heisst schwirig...gfungä hani scho es paari, aber dr priis isch dr horror!!! vor vier jahr woni da bi gsi u gfragt ha isch ei T1 bus so um diä 5000.- SFr zum choufä gsi... jtz fingsch hiä keinä me unger 20'000.- SFr wo no fahrbar isch! ...aui garaschischtä sägä mir "i sig 5 Jahr z'späät" =(
ja das passt natürli nid i mis budget inä u nach langem überlegä was i söu, bini do uf enä T1 samba gstossä woni mi grad verliebt ha i nä. ä samba isch für mi ds schönschtä büssli wos git u i ha dänkt so eis wirdi niä bsitzä/vermögä. in europa si diä brutau tüür si fasch nume no i privatsammligä oder museum ds gseh. da i scho sit i cha outo fahrä vo somnä büssli tröimä, ha ni mi entschlossä das büssli ds choufä u anschtatt mit ihm hei ds fahrä es i nä container ds steckä us la hei schiffä. da das samba büssli haut gliich no rächt tüür isch, längts für mini planti reis leider nümm. ha mir aber gseit, d'chance zum nes samba zum nä priis wo ni no verma ds choufä wirdi villich nie meh ha, reisä chani immer wider (solang i gsung blibä). auso erfüuä ig mir jtz dä troum vo mim samba u verschiebe ds reisä uf speter.
vili dänkä jtz sicher dä spinnt ja! ...diä reis ds verpassä wägäm nä outo!?! ja i weiss, es isch sicher für teu nid nah vouziebar u i cha das ou gar nid würkli erklährä... aber das isch für mi nid eifach numä es outo...es isch für mi viu meh. mit em nä büssli ga reisä/cämpä ir schwiz, europa oder so gar no witer bedütet für mi freiheit puur u git mir so viu. u jtz das no mit mim lieblings bus.diä chance la ni mir nid la entgah... =)
hiä mau es paar pics vo däm schnüsu =) ...villich verstöht dir mi de chli besser ;-)
so bini jtz sit lengerem am versuechä das büssli ds choufä u ds verschiffä. das isch brutau kompliziert mit dä verträg, exportpapier, verschiffigs firmenä, zoll behördenä in thailand u er schwiz, strasseverchehrsamt, ...usw. isch aber wäutz spannend u ha sehr viu nöis glehrt derbi. das fägt richtig!...wenn nid immer wider längi wartepousenä zwüschä dä einzälnä papierchriegs-schrittä wärä. aber das nimi gärn i chouf. hiä ds thailand funktioniert aues chli angers u zyt isch gloub es frömdwort für si =)
ja das wär so öppä diä planänderig vo derä reis. nach däm i das bussli u no chli angers schöns zügs im container ha u das ganzä uf em schiff richtig europa tukerlet, ga ni de ou wider richtig schwiz u fröi mi de ufenes riisigs päckli wo mis tröimli zur realität lat la wärdä.
... bis gli